http://www.xlt.fo/

Gjaldstreytir


Keyp á netinum
Goymsluvøra verður vanliga avgreidd 1. yrkadag eftir, at bíleggingin er okkum í hendi. Um hetta av ávísum orsøkum ikki kann lata seg gera, seta vit okkum í samband við teg umvegis teldupost við nærri greining av nær, vøran kann veitast. Um tú ikki er nøgd/ur við longdu veitingartíðina, hevur tú altíð møguleika at strika keypið við at senda ein teldupost til xlt@xlt.fo. Viðmerk ordranummari, sum tú hevur fingið við telduposti, tá vøran var keypt. Veitingartíðin er vanliga 1-3 dagar, alt eftir hvar í landinum vøran skal veitast.

Bílegging, sum longu er avgreidd av goymslum okkara, kann ikki strikast, men verður avgreidd eftir reglunum um aftursenda vøru og aftursendingarrætt.

Flutningur
Har einki annað er tilskilað, fer flutningur fram fyri rokning og ábyrgd keyparans. Um avtala er gjørd um flutning á stað keyparans, ella annað av keyparanum ávíst stað, verður vøran flutt so nær har hon skal brúkast, sum bilurin eftir meting koyrarans uttan vanda kann koyra. Roknað verður við, at keyparin hjálpir til við at tøma bilin.
Fyri flutning við akførum hjá XL-BYG TÓRSHAVN, verða skuldskrivaðar kr. 140,- íroknað meirvirðisgjald. Fyri flutning við øðrum flutningsfyritøkum, t.e. posti, strandferðslubilum o.t. verður taksturin hjá hesum skuldskrivaður kundanum

Avsláttur og fakturering
Eingin avsláttur verður veittur av avgreiðslum undir 500,00 ikki íroknað meirvirðisgjald, hóast avtala annars fyriliggur um avsláttur. Fakturagjald á 25,- íroknað meirvirðisgjald, verður skuldskrivað hvørjum faktura.

Gjalding
Tá eingin føst avtala er gjørd, er gjaldingin netto kontant. Avsláttur av einumhvørjum slag verður bert veittur, treytað av stundisligari gjalding. Um stundislig gjalding ikki verður hildin, verður renta roknað av ágóðanum við 2% pr. byrjaðan mánaða. Rentan verður tilskrivað síðst í hvørjum mánaða av tí til eina og hvørja tíð rentuberandi saldo íroknað møguligum fyrr tilskrivaðum rentum og áminningargjøldum. Áminningar verða sendar út hvønn mánaða. Áminningargjaldið er 100,00.

Umbýting av vørum
Vørur kunnu býtast um innan 8 dagar við framvísing av kvittan. Vøran skal verða í upprunaligum standi.

Aftursending av veittari vøru
Vørur vera bert tiknar retur sambært frammanundan gjørdari avtalu í hvørjum einstøkum føri. Vørurnar skulu verða óbrúktar, lýtaleysar og í upprunaligari innballing. Vørur, ið vit serstakt hava útvegað fyri kundan, verða ikki tiknar retur. Fyri at veita trygd fyri, at vøran er keypt frá okkum, skal fakturin upp á vøruna leggjast fram av keyparanum, tá vøran verður latin
retur. Góðkendar returvørur verða góðskrivaðar við frádrátti uppá minst 10 % av fakturaprísi, sendar franko til goymlsu okkara. Góðkend returemballaga verður góðskrivað, um hon er send okkum franko í óskaddum standi, seinast 1 mánað frá okkara veiting.

Vansar
Keyparin má beinanvegin, hann hevur fingið tilfarið, og áðrenn tað verður tikið í nýstlu, kanna veittu vørurnar, fyri at tryggja sær, at hesar eru lýtaleysar.
Endurgjaldskrøv fyri vansar, herundir mongdarmun, ið er ella átti at verði funnin við slíkari kanning, mugu verða sett fram beinanvegin, og seinast 8 dagar aftaná, at tilfarið er veitt á pláss keyparans, fyri at kunna verða góðtikin. Vit átaka okkum onga endurgjaldsábyrgd fyri ófullfíggjaðar vørur ella skaðar, orsakað av óhóskandi/skeivari nýstlu av tilfarinum, somuleiðis sum heldur ikki kann áleggjast okkum endurgjaldsábyrgd fyri støddar og litmun í t.d. veggja-, gólv-, lofts-, og fasaduklædningi, umframt hurðum og skápum. Keyparin má tí, áðrenn nýstlu av tilfarinum, tryggja sær, at óynskt frábrygdi í liti og stødd ikki eru til. Fyrivarðni verður tikið ímóti fraviki í mun til sýnislutir.

Fyrivarðni
XL-BYG TÓRSHAVN tilskilar sær rætt at gera broytingar í sølu- og gjaldstreytunum um hetta verður neyðugt vegna viðurskifti, vit ikki hava ávirkan á.


Fylg okkum
XL-BYG TÓRSHAVN | Heykavegur 4 | Tel 31 12 50 | Faks 31 54 60 | Teldupostur: xlt@xlt.fo
Kontunr.: Bank Nordik 6460 221.550.2 | Eik 9181 200.042.5