http://www.xlt.fo/

XL-BYG TÓRSHAVN

Vit hava tríggjar deildir í XL-BYG TÓRSHAVN: Byggimarknaðurin, timburhandilin og handverkarabúðin. Í handverkarabúðini leggja vit dent á at veita dygdarvørur og -tænastu til teir mongu handverkarakundarnar. Saman við timburhandlinum á Heykavegi miðsavna vit allar vørur, ið eru beinleiðis ætlaðar okkara yrkiskundum her.

Í byggimarknaðinum veita vit alskyns vørur til eginbygging, hús, heim og urtagarð. Vit umboða m.a. ítrivsketuna: Panduro Hobby og urtagarðsketuna: Bo-grønt, umframt sterka vøruúrvalið hjá XL-BYG. Hetta merkir samanumtikið eitt breiðari vøruúrval og fleiri og betri tilboð til kundar okkara.

Annaðhvørt tú velur at keypa í handlum okkara ella á nethandlinum, eru vit klár við einum sterkum toymi av starvsfólkum – og veitarum, sum eru útvaldir við kappingarføri, trúfesti og góðsku fyri eyga. Saman vilja vit veita tær trygd fyri, at tú fært røttu loysnina frá okkum.


Virðisgrundarlag

Virksemi okkara byggir á atlit at føroyska samfelagnum og tí tørvi, sum føroysk bygging hevur. Vit leggja dent á at trúvirðið og uppmerksemið er á høgum støði í øllum virki okkara - bæði í samskifti við viðskiftafólk, samstarvsfelagar og starvsfólk.

Tryggir karmar og teamwork eru grundarsteinar undir menning, trivnaði og arbeiðsgleði á arbeiðsplássi okkara. Saman við hesum og góðum fakligum starvsfólkaførleikum, vilja vit tryggja best hugsandi úrslit fyri kundan, samfelagið og okkum sjálvi.


Tilverugrund (missión)

Tað er okkara gleði og heiður at veita virðismiklar vørur til bygging og tað føroyska heimið.


Hugmynd (visjón)

Vit vilja skara framúr og verða kend fyri trivnað, trúvirði og góðsku


XL-BYG

1. jan. 2016 gjørdist vit partur av handilsketuni XL-BYG. Handilsketan fevnir um uml. 300 handlar og er sera væl umboðað í Norðurlondum. XL-BYG® er ein handilsketa, sum byggir á frítt samanhald. Hetta merkir, at allar fyritøkurnar í ketuni eru sjálvstøðugar við hvør sínum eigara. Allir handlar í fyritøkuni byggja á langa fakliga siðvenju, samstundis sum teir eru rótfestir í nærumhvørvinum. XL-BYG veitir so statt viðskiftafólkum sínum stórrakstrar-fyrimunir, samstundis sum vinningurin verður verandi har, sum handilin hevur sítt virksemi.


Søga

Í 1928 stovnaði H.C. Andreasen, byggimeistari, saman við øðrum Havnar Timburhandil, ein timburhandil við tilfari til byggjaríið, sum av álvara var komið í gongd tá. Væl gekst við Timburhandlinum, og tað var skjótt, at honum fór at tróta pláss. Tí reistu teir ein nýggjan handil á Eystaru Bryggju í 1933. Tann nýggi timburhandilin var 400 fermetrar tilsamans og kostaði 6000 krónur. 

Havnar Timburhandil vaks við framgongdini í byggjarínum, sum var mest sum um alt landið, og í 1978 flutti fyritøkan í ein nýggjan bygning á Hálsi, ið var tilsamans 3600 fermetrar við tilhoyrandi øki upp á 8500 fermetrar uttanum, har pláss var fyri eitt nú timburgoymslu. Og tað er eisini her, vit húsast enn í dag.

Í 1988 bygdi Havnar Timburhandil ein stóran bygning afturat á Hálsi, ætlanin var at opna ein byggimarknað, men av tí, at Timburhandilin brendi í 1989, og tíðirnar eftir tað gjørdust so ringar í nítiárunum, læt byggimarknaðurin ikki upp fyrr enn í 2004. Byggimarknaðurin fekk tá navnið 2x3 og var størsti byggimarknaður í Føroyum við einum sera breiðum úrvali av vørum til heimið. 

Havnar Timburhandil hevur harafturat havt fleiri deildir runt um í landinum, eitt nú á Kambsdali, í Vestmanna og á Sandi. 

Higartil hevur Havnar Timburhandil sostatt veitt vørur til heimið hjá fleiri ættarliðum av føroyingum.

Í 2016 broyttu 2x3 og Timburhandilin navn til XL-BYG TÓRSHAVN. 


Fylg okkum
XL-BYG TÓRSHAVN | Heykavegur 4 | Tel 31 12 50 | Faks 31 54 60 | Teldupostur: xlt@xlt.fo
Kontunr.: Bank Nordik 6460 221.550.2 | Eik 9181 200.042.5